香港話想創坊@布里斯本 (18/1/25) 🎶創意+美食世界

香港話想創坊 - 創意+美食世界

祝各位新年進步！
2025年香港話想創坊開始了！
想帶小朋友認識香港文化同廣東話？快啲嚟2025年1月18日嘅「香港話想創坊」！活動結合《飢餓的毛毛蟲在香港》故事、香港特色美食短片同泥膠手工創作，一齊玩香港美食大富翁遊戲，帶小朋友進入一個充滿創意同美食嘅世界！

小朋友可以用泥膠製作茶餐廳美食、茶樓點心或者街頭小食，仲可以發揮創意，例如彩虹菠蘿包或者抹茶雞蛋仔！完成之後仲會展示作品，用廣東話介紹自己嘅創作，提升佢哋嘅表達能力同自信心！
呢個活動不單止好玩，仲可以啟發創意思維，培養合作精神，增強對香港文化嘅認識！地點：Garden City Library，時間：下午2:30至4:00，快啲報名，一齊感受香港美食嘅魅力啦！

對象：4至12歲（基本上不限，只係活動主要為這組年紀而設，有興趣就埋嚟玩啦！）

*****

香港話想創坊係由有志推動香港話活動嘅人組成。

誠邀樂意一齊諗一齊準備好玩有趣嘅香港話活動嘅家長加入義工行列。