Wānanga Kawa Whakatika Registration

Tēnei te ara, ko te ara ki hea 

Ko te ara ki uta, ko te ara ki tai 

Ko te ara ki tua o taumata noho 

Kia puta ki te whai ao, ki te ao mārama 

Mārama te whakaaro 

Mārama te whakatika 

Mārama te whakakao 

Mārama te hau, he kawa ora! 

Kei ngā mana o te pō, 

kei ngā tapu o te pō, 

Kei ngā wehi, kei ngā ihi, 

Kei ngā whakamataku o tua whakarere 

E hoki ki ngā rua, e moe ki ngā okiokinga 

Tēnei ka kauparea ko te kino, ko te weri, ko te aitu 

Ka turuki whakataha 

Tēnei te tohu ka whakairihia 

Tēnei te tohu ka whakataua 

E te hunga hihiri ki te whakahaumanu i tō tātou mātauranga taiao,
Ko te kupu pōhiri tēnei ki a koutou kia whakaeke mai ki te Wānanga Mātaiao ka tū a te 30 o Pipiri - 01 o Hongongoi.

Wānanga Kawa Whakatika | 30 o Pipiri - 01 o Hongongoi 2025

Ki kōnei mātai atu i ngā mata o te ariki, i ngā tāwheao o te taiao. Waihoki he takahi whenua i  ngā roherohenga o Patupaiarehe me ngā  whakahaeretanga o te pō me te ata hāpara.Anei anō ngā toronga taiao mō te wānanga:

• Eke Pahikara ki Opanuku
• Maunga Kōrero ki te uru o Tamaki
• Te Reo i te taiao
• Ngā mahi tāwheao o te taiao

Kāore he utu mō te wānanga nei. Mā Toi Tangata koutou e whāngai, e manaaki, arā, mā mātou he wahi noho ki TKKM o Te Kotuku me ngā ō hei kai, Tēnā, hari mai he ngākau tuwhera, manawa kuaka me ngā whakaaro hōmiromiro.Mauri tū, mauri ora! Mātai nuku, Mātaiao!