「誰是香港人？」探索系列
第四場：從廣東歌的起落看香港人意識的演變

主辦團體：香港時空(Metaverse Hong Kong)

日期：2024年 10月 19日星期六
時間：下午2時至4時(布里斯本時間)
地點: Sydney Parramatta library and Brisbane Garden City library

雪梨現場主持人: 李偉才博士
布里斯本現場主持人：陳樂行先生

兩場活動均會同時進行，全長二小時。

==
有人說香港是移民城市；有人說香港是「借來的時間、借來的地方」。但近年的時局變遷，不但沒有淡化香港人標籤，反而更強化了香港人意識。正當幾十萬香港人流散各地，又有大量人口從大陸移入香港之際，究竟誰是香港人？誰對香港的未來更有發言權？如何從語言、文化、歷史、核心價值各方面定義真香港人？本系列將會邀請對談嘉賓為大家一一探討。

廣東歌伴隨住香港七、八十年代嘅「香港人意識」萌芽而並進，呢種大眾文化（歌詞也包括了通俗文學）膾炙人口，但長年俾主流嘅學術界同文化界所忽視。點樣去理解呢種同香港人命運息息相通嘅文化發展？原來廣東歌嘅起源同南洋嘅淘金熱都有關係？我哋又點樣可以立足歷史，去評價和預視廣東歌嘅最新發展？

近年來，隨住「香港研究」這個學科嘅成立，廣東歌漸漸走入咗學術界嘅視野，除咗廣東歌詞被編為《香港文學大系》嘅一部分，學者亦都梳理咗好多廣東歌嘅歷史材料。不過，香港本土嘅研究由於受到政治限制，往往不能𣈱所欲言。離散世界各地嘅香港學者同文化評論人，又可以點樣打破局限，為廣東歌嘅發展帶嚟新嘅視角，重新審視我哋香港人呢項重要的文化命脈？探討廣東歌嘅發展，無疑嘅探討「誰是香港人？」呢個重大課題嘅重要一環。

今次第四場對談會，由兩位主持 - 科普作家李偉才同廣東話文化人陳樂行對話，兩位主持除咗對廣東歌文化嘅熱愛，亦都成長於廣東歌嘅兩大浪潮之中，希望以鮮有嘅跨年代對話，去為香港人身分重新探索。歡迎大家前來參與，並一起交流你對廣東歌嘅心得。

***

李偉才博士，筆名李逆熵，曾任香港太空館助理館長、天文台高級科學主任和香港大學助理教授。多年來透過報刊、書籍、電台、電視和講座從事科學普及工作，1985 年獲選「香港十大傑出青年」，2019 年獲選為香港書展的「年度作家」，迄今出版著作逾四十本。

陳樂行，港語學及KongHub創辦人，策展人、廣東話及中文教材作者，曾籌劃多個港語文化活動，包括多屆廣東話徵文比賽、首個廣東歌歷史展覽、廣東話語言史展覽等。現與世界各地團體合作推動「我手寫我口」嘅香港話文學教育。

Contact the host of 「誰是香港人？」探索系列 [Who are Hongkongers?] Brisbane Fourth session